डडेलधुरा । प्रधानमन्त्री शेरबहादुर देउवाले तत्कालीन प्रधानमन्त्री केपी शर्मा अाेलीका कारण आफू पाँचौँ पटक प्रधानमन्त्री बनेको बताउनुभएको छ ।
गृह जिल्ला डडेलधुरा सदरमुकाममा चुनावी सभालाई सम्बोधन गर्दै उहाँले यस पटक प्रधानमन्त्री बन्ने मन नभए पनि एमाले अध्यक्ष ओलीको गलत कदमका कारण प्रधानमन्त्री बन्नु परेको बताउनुभयो ।
उत्तम संविधान बनाए पनि एमाले अध्यक्ष अाेलीले प्रधानमन्त्री भएका बेला त्यसलाई च्यात्न खोजेकाे भन्दै उहाँले, अाेलीले राष्ट्रपतिलाई मध्यरात २ बजे उठाएर संसद् भङ्ग गरेको आरोप पनि लगाउनुभयो ।
प्रधानमन्त्री देउवाले धनगढी–डडेलधुरा चार लेनको सडक अझ सुन्दर बनाउने डडेलधुरामा मेडिकल कलेज बनाउने कामका लागि अब रकम निकासा हुने बताउनुभयो ।
चुनावका लागि गृह जिल्ला पुगेका प्रधानमन्त्री देउवा केही दिन डडेलधुरामै रहने कार्यक्रम छ ।
प्रकाशित मिति: बिहीबार, कात्तिक १७, २०७९, १८:२६
