काठमाडौँ । नेपाली राष्ट्रिय क्रिकेट टिम (पुरुष) को कप्तानमा रोहितकुमार पौडेल नियुक्त भएका छन् ।
नेपाल क्रिकेट सङ्घ क्यानले शुक्रबार रोहितलाई कप्तान नियुक्त गरिएको जनाएको हो ।
नियमित कप्तान सन्दीप लामिछाने बलात्कारको अभियोगमा निलम्बनमा परेपछि क्यानले रोहितलाई नयाँ कप्तान नियुक्त गरेको हो ।
यस अघि नेपालको उपकप्तान रहेका थिए ।
नेपालले रोहितको कप्तानीमा युएईसँग काठमाडाैँमा तीन खेलको एकदिवसीय अन्तराष्ट्रिय सिरिज खेल्ने छ ।
पहिलो खेल आउँदो साेमबार हुनेछ । दोस्रो खेल नोभेम्बर १६ र अन्तिम खेल नोभेम्बर १८ तारिखमा हुनेछ ।
यसैबिच यूएईसँग खेल्ने नेपाली टिमको घोषणा गरिएको छ । जसमा राेहितसँगै ज्ञानेन्द् मल्ल,करण केसी, साेमपाल कामी, कुशल भुर्तेल, आरिफ शेख, ललित राजबंशी, दिपेन्द्रसिंह एेरी, आशिफ शेख, भीम सार्की, कमलसिंह एेरी, हरिशंकर साह, सागर ढकाल, आदिल आलम, अर्जुन साउद र गुल्सन झा रहेका छन् ।
प्रकाशित मिति: शुक्रबार, कात्तिक २५, २०७९, २१:३७
