कृष्ण फुरुम्वो लिम्बू
ताप्लेजुङ । ताप्लेजुङको फुङलिङमा अटो दुर्घटना हुँदा दुई जनाको मृत्यु भएको छ ।
शनिवार बिहान भएको दुर्घटनामा पाथीभरा याङवरक गाउँपालिकाका अन्दाजी ७५ वर्षीय धनबहादुर गुरुङ र ११ वर्षीय नाति ईशान गुरुङको मृत्यु भएको जिल्ला प्रहरी कार्यालय ताप्लेजुङका डिएसपी कैलाश राईले जानकारी दिनुभयो ।
दुर्घटनामा घाइते भएका प्रदेश १–००२–००३– ह ३९०० नम्बरको अटोका चालक गङ्गाराम राईलाई उपचारका लागि ताप्लेजुङ जिल्ला अस्पताल ल्याइएको छ ।
फुङलिङको दोखुबाट सुकेटार विमानस्थल जाने क्रममा अटो दुर्घटना भएको हो ।
प्रकाशित मिति: शनिबार, कात्तिक २६, २०७९, १३:३५
