काठमाडाैँ । प्रतिनिधिसभा र प्रदेशसभा सदस्यको निर्वाचनमा दिउँसाे १२ : ४५ बजेसम्म ३२ प्रतिशत मतदान भएको छ । बिहान ७ बजेदेखि सुरू भएको मतदानमा दिउँसो १२ : ४५ बजेसम्म देशभर ३२ प्रतिशत मतदान भएको निर्वाचन आयोगका प्रवक्ता शालिग्राम शर्मा पौडेलले जानकारी दिनुभयाे ।
‘देशैभरि सामान्य छिटपुट घटनाबाहेक उत्साहजनकरुपमा मतदान कार्य भइरहेको छ,’ उहाँले , ‘बिहानको समयमा अपेक्षाकृत मतदान भएन, चिसोका कारण पनि होला सायद‚ मतदाताको उपस्थिति पातलो देखिएको थियो तर अहिले सबैतिर उत्साहजनक रुपमा मतदाताको सहभागिता भइरहेको छ ।’
आयोगले कतिपय ठाउँमा विवाद हुँदा केही बेर मतदान रोकिए पनि पुनः मतदान सुरु भइसकेको जानकारी पनि दिएको छ । आयोगले मतदान स्थगित गर्नु अघि समन्वय गरेर मात्र निर्णय गर्न मतदान अधिकृतहरूलाई निर्देशन दिएको छ ।
प्रकाशित मिति: आइतबार, मंसिर ४, २०७९, १४:२३
