काठमाडाैँ । विश्वकप फुटबलमा आज (सोमबार) तीन वटा खेल हुँदैछन् । पहिलो खेलमा इंग्ल्यान्ड र इरानबीच प्रतिस्पर्धा हुनेछ । यो खेल नेपाली समय अनुसार बेलुका ६:४५ बजे सुरु हुनेछ ।
अर्को खेलमा समूह 'ए' का सेनेगल र नेदरल्यान्ड्स खेल्नेछन् । यो खेल राति ९:४५ बजे सुरु हुनेछ ।
मध्यराती १२:४५ बजे सुरु हुने अर्को खेलमा अमेरिका र वेल्स खेल्नेछन् । उद्घाटन खेलमा आयोजक कतारलाई २-० ले हराएर इक्वेडरले विजयी सुरुआत गरेको छ ।
विश्वकपमा ३२ देशले प्रतिस्पर्धा गरिरहेका छन् । विश्वकपको फाइनल खेल डिसेम्बर १८ मा हुनेछ ।
प्रकाशित मिति: सोमबार, मंसिर ५, २०७९, ०९:५७
