कपिलवस्तु । कपिलवस्तुको क्षेत्र न ३ मा मतगणना सुरु भएको छ ।
प्रत्यक्षतर्फ प्रतिनिधि सभाको मतगणना सुरु भएको निर्वाचन अधिकृत प्रकाश मरासिनीले बताउनुभयो ।
पहिलो ४ पेटिका खोलिएको छ ।
जसमध्ये उदयपुर वडा कार्यलय, भलवरी ,धर्माशाला गणेशपुर र कृषि सामग्री केन्द्र बहादुरगनञ्जमा मतगणना सुरु भएको हो ।
मतगणना साढे ११ बजे बाट सुरु भएको हो । प्रतिनिधितर्फ सत्ता गठबन्धनबाट अभिषेकप्रताप साह, नेकपा एमालेबाट मङ्गगल गुप्ता, जनता प्रगतिशील पार्टीबाट इश्वर दयाल मिश्र, राप्रपाबाट प्रकाश रजौरियाबीच प्रतिस्पर्धा छ ।
कपिलवस्तु क्षेत्र नम्बर ३ मा कुल १ सय ४६ मतदान केन्द्र छन् । क्षेत्र नम्बर ३ मा कुल १ लाख १५ हजार ५ सय ४३ मतदाता सङ्ख्या रहेको छ ।
पुरुष ६२ हजार २ सय २२ रहेका छन भने महिला ५३ हजार ३ सय २१ मतदाता छन् ।
प्रकाशित मिति: सोमबार, मंसिर ५, २०७९, १२:१८
