मायाँ कँडेल
सामुदायिक सूचना नेटवर्क (सीआईएन)का पूर्व सहकर्मी तथा लोकप्रिय रेडियो प्रस्तोता महावीर विश्वकर्माको निधन भएको छ । चितवनमा भएको माइक्रो बस दुर्घटनामा ३५ बर्षका विश्वकर्माको निधन भएको हो ।
उहाँ चढेको बा ४ ख ४१२ नम्बरको माईक्रो बस राप्ती नगरपालिका–६ हर्दीमा बिग्रेर रोकिराखेको ना २ ख ८५२२ नम्बरको ट्रकमा बिहान साढे ५ बजेतिर ठोक्किएकाे प्रहरीले जनाएको छ । दुर्घटनामा चालकसहित चार जना घाइते भएका छन् ।
लोकप्रिय रेडियो कार्यक्रम ‘बहकिने मन’का प्रस्तोता विश्वकर्मा चितवनको सुन्दरबस्ती–४ स्थित घरबाट काठमाडौं फर्किंदै हुनुहुन्थ्यो ।
उहाँ वैज्ञानिक समाजवादी कम्युनिस्ट पार्टीका केन्द्रीय सदस्य समेत हुनुहुन्थ्यो ।
सामुदायिक रेडियो प्रसारक संघ अकाेराबले उहाँ प्रति श्रद्धाञ्जली र शाेक सन्तप्त परिवारजनमा समवेदना ब्यक्त गरेको छ ।
प्रकाशित मिति: मंगलबार, मंसिर ६, २०७९, ०९:२२
