काठमाडौँ । विश्वकप फुटबलमा आज (मंगलबार) चार खेल हुँदैछन् ।
पहिलो खेलमा समूह ‘सी’ का अर्जेण्टिना र साउदी अरेबिया खेल्नेछन् । खेल नेपाली समय अनुसार दिउँसो ३ः४५ बजे सुरु हुनेछ ।
आजको दोस्रो खेलमा डेनमार्क र ट्युनिसिया खेल्नेछन् । यो खेल नेपाली समय अनुसार ६ः४५ बजे सुरु हुनेछ ।
आजको तेस्रो खेलमा पोल्याण्ड र मेक्सिकोबिच प्रतिस्पर्धा हुनेछ ।यो खेल राति ९ः४५ बजे सुरु हुनेछ । चौथो खेलमा फ्रान्स र अस्ट्रेलिया खेल्नेछन् । यो खेल नेपाली समय अनुसार राति १२ः४५ बजे सुरु हुनेछ ।
७ पटकको बालोन डी'ओर विजेता लियोनल मेस्सीको कप्तानीमा रहने अर्जेन्टिना यसपटक विश्वकप जित्ने तयारीका साथ कतार पुगेको छ । अर्जेन्टिना अहिले ३६ खेलयता अपराजित छ । २०१९ मा कोपा अमेरिकामा ब्राजिलसँग पराजित भएपछि अर्जेन्टिना अपराजित भएको छैन ।
साउदी पनि अर्जेन्टिनालाई हराएर विश्वकपमा सनसनीपूर्ण सुरुवात गर्न चाहन्छ । अर्जेन्टिना र साउदीबिच हालसम्म चार वटा खेल भएकोमा अर्जेन्टिना दुई खेलमा विजयी भएको छ । दुई खेल बराबरीमा सकिएका छन् ।
प्रकाशित मिति: मंगलबार, मंसिर ६, २०७९, ११:४८
