काठमाडौँ । विश्वकप फुटबलमा आज (शुक्रवार) चार वटा खेल हुँदै छन् ।
आजको पहिलो खेलमा समूह बी मा रहेको वेल्स र इरान खेल्नेछन् । यो खेल दिउँसो पौने ४ बजे सुरु हुनेछ । दुवै टिम आज पहिलो जितको खोजीमा हुनेछन् । वेल्सले आफ्नो पहिलो खेल बराबरी खेलेको थियो भने इरान पराजित भएको थियो ।
आजको दोस्रो खेलमा आयोजक कतार र सेनेगल खेल्नेछन् । बेलुका पौने ७ बजे सुरु हुने यो खेलमा पनि दुवै टिम पहिलो जितको खोजीमा हुनेछन ।
आजको तेस्रो खेलमा नेदरल्यान्ड्स र इक्वेडर राती पौने १० बजे खेल्नेछन् । दुवै टिमले आ आफ्नो पहिलो खेलमा जित हात पारेका थिए ।
आज मध्य राती पौने १ बजेपछि सुरु हुने अर्को खेलमा इंग्ल्यान्ड र अमेरिका खेल्नेछन् । इंग्ल्यान्ड लगातार दोस्रो जितको खोजीमा र अमेरिका पहिलो जितको खोजीमा मैदान उत्रनेछन् ।
प्रकाशित मिति: शुक्रबार, मंसिर ९, २०७९, १०:१३
