काठमाडौँ । अर्जेन्टिना र नेदरल्याण्डस विश्वकप फुटबलको क्वाटरफाइनलमा प्रवेश गरेका छन् । गएराति भएको खेलमा अष्ट्रेलियालाई २–१ गोल अन्तरले हराउँदै अर्जेन्टिना अन्तिम आठमा पुगेको हो ।
अर्जेन्टिनालाई जित दिलाउन कप्तान लियोनल मेस्सी र खेलाडी जुलियन अल्भारेजले एक–एक गोल गर्नुभयो ।
अष्ट्रेलियाले एक गोल आत्मघाती उपहार पाएको थियो ।
अमेरिकालाई ३–१ गोल अन्तरले हराउँदै नेदरल्यान्डस पनि अन्तिम आठमा पुगेको छ ।
नेदरल्यान्ड्सको जितमा मेम्फिस डिपे, डेली ब्लाइन्ड र डेन्जेल डुमफ्रिएसले एक–एक गोल गर्नुभयो । अमेरिकाका हाजी राइटले एक गोल फर्काउनुभयो ।
अब क्वाटरफाइनलमा अर्जेन्टिना र नेदरल्यान्ड्स खेल्नेछन् । विश्वकप फुटबलमा आज फ्रान्स र पोल्याण्ड अनि इङ्ल्याण्ड र सेनेगल खेल्नेछन् ।
प्रकाशित मिति: आइतबार, मंसिर १८, २०७९, ०७:४८
