बाजुरा । बाजुराबाट प्रतिनिधि सभामा नेपाली कांग्रेसका बद्रीप्रसाद पाण्डे विजयी हुनुभएको छ । उहाँले एमाले उम्मेदवार कर्णबहादुर थापालाई ५ हजार ४३७ मतान्तरले पराजित गर्नुभएको हो । उहाँ यस अघि राष्ट्रिय सभाको सांसद हुनुहुन्थ्यो ।
पाण्डेले ३१ हजार ७८६ र थापाले २६ हजार ३४९ मत प्राप्त गरेको निर्वाचन कार्यालयले जनाएको छ । बाजुराका दुवै प्रदेश सभामा पनि सत्ता गठबन्धनका उम्मेदवार विजयी भएका छन् ।
प्रकाशित मिति: आइतबार, मंसिर १८, २०७९, ११:२४
