दोलखा । दोलखामा प्रतिनिधि सभा सदस्यमा नेकपा माओबादी केन्द्रका गंगा कार्की विजयी हुनु भएको छ ।
कार्कीले नेकपा एमालेका बालकृृष्ण शिवाकोटीलाई पछाडि पार्दै दोलखाबाट प्रतिनिधि सभा सदस्यमा विजयी हुनु भएको हो ।
नेकपा एमाले र नेकपा माओवादी केन्द्रबीच कडा पतिस्पर्धा भए पनि अन्तिम मतपरिणाम अनुसार कार्की वियजी हुनु भएको हो ।
कार्कीले ३६ हजार ९ सय ९५ मत ल्याउँदा उहाँका निकटम प्रतिस्पर्धी एमालेका बालकृष्ण शिवाकोटीले ३६ हजार ४ सय ७७ मत ल्याउनुभयो ।
कार्की र शिवाकोटीको मतान्तर ३ सय १८ छ ।
दोलखामा कुल १ लाख ६१ हजार ४ सय ५० मतदाता मध्ये ८७ हजार १ सय ५५ मत खसेको दोलखाका मुख्य निर्वाचन अधिकृत डिल्ली रत्न श्रेष्ठले जानकारी दिनुभयो ।
दोलखामा प्रदेश सभा (क) मा नेपाली काँग्रेसका कुन्दनराज काफ्ले र प्रदेश सभा (ख) मा नेकपा एमालेका भरतबहादुर केसी विजयी भइसक्नु भएको छ ।
प्रकाशित मिति: सोमबार, मंसिर १९, २०७९, ०९:३४
