काठमाडौं । मुवाथाईका विश्व विजेता खेलाडी पलिस्था कक्षपति नगद पुरस्कार सहित सम्मानित हुनुभएको छ ।
उहाँलाई राजधानीको प्लाटिनम फिटनेस सेन्टरले नगद २५ हजार सहित सम्मानित गरेको हो । कक्षपतिलाई शारीरिक सुगठनका अन्तरास्ट्रिय पदक विजेता सचित प्रधान, राष्ट्रिय फुटबल खेलाडी अनिल गुरुङ, लगायतले पुरस्कार सहित सम्मान गर्नुभयो ।
पलिस्थाले सन् यसैवर्षको मार्च १२ देखि २२ सम्म थाइल्यान्डमा सम्पन्न साह्रौं विश्व मुवाथाई च्याम्पियनसिप २०१९ मा नेपालको तर्फबाट ३० केजि तौल समुहमा स्वर्ण पदक प्राप्त गर्नुभएको थियो । रास्ट्रको गौरव बढाउन योगदान दिएको भन्दै कक्षपतिलाई सम्मान गरिएको हो ।
प्रकाशित मिति: आइतबार, जेठ ५, २०७६, १५:४२
