टीका बीसी
जाजरकोट । जाजरकोटको छेडागाड ४ भीरबाटीमा जिप दुर्घटना हुँदा ११ जनाको मृत्यु भएको छ ।
मृत्यु हुनेमा जाजरकोटको छेडागाड नगरपालीका ५ का दिपक अधिकारी, नैसराअधिकारी, जैकु वारा, रामबहादुर बुढा, अम्मरबहादुर अधिकारी, निषा अधिकारी र जैमान अधिकारी रहेको जिल्ला प्रहरी कार्यालयले जनाएको छ ।
यसैगरी, छेडागाड ६ का वीरबहादुर खत्री तथा दैलखका अम्मर बहादुर खड्का, मानबहादुर रावत र बिरेन्द्र के सी रहेको पनि कार्यालयले जानकारी दिएको छ ।
कर्णाली प्रदेश ०२–००१ च ०४२९ नम्बरको बलेरो जिप मध्यपहाडी राजमार्गबाट तल खसेर दुर्घटना भएको र एकजना घाइतेको उपचार भइरहेको पनि प्रहरीले जनाएको छ ।
प्रकाशित मिति: सोमबार, मंसिर २६, २०७९, २०:२५
