काठमाडाैँ । क्रोएसिया विश्वकप फुटबल २०२२ मा तेस्रो भएको छ । शनिबार राती सकिएको खेलमा मोरक्कोलाई २-१ ले हराउँदै क्रोएसिया तेस्रो भएको हो । क्रोएसियाको जितमा जोस्को भार्डीओल र मिस्लाभ ओर्सिचले गोल गर्नुभयो भने मोरक्कोका अक्रफ दारीले गोल गर्नुभयो ।
क्रोएसिया विश्वकपको गत संस्करणकाे उपविजेता टिम हो ।
क्रोएसियाले खेलको सातौं मिनेटमा गाेल गर्दै अग्रता लिएको खेलको नवाैँ मिनेटमा मोरक्कोले बराबरी गोल फर्कायो । क्रोएसियाले ४२ औं मिनेटमा गोल गर्दै अग्रता लियो । त्यसपछि कुनै टिमले गोल गर्न सकेनन् र क्रोएसिया विजयी भयो । मोरक्को आज पराजित भएपनि विश्वकप फुटबलको सेमिफाइनल पुग्ने पहिलो अफ्रिकी देश बनेको छ ।
प्रतियोगिताको फाइनलमा आइतबार फ्रान्स र अर्जेन्टिना खेल्नेछन् । खेल नेपाली समय अनुसार राती पाैने ९ बजे सुरू हुनेछ ।
प्रकाशित मिति: शनिबार, पुस २, २०७९, २२:५७
