काठमाडौँ । नेपाली काँग्रेसले संसदीय दलको निर्वाचनको लागि तयारी सुरु गरेको छ ।
यसका लागि काँग्रेसले आज कार्यसम्पादन समितिको बैठक बोलाएको छ ।
सदीय दलको विधानको व्यवस्थाअनुसार केन्द्रीय समितिले संसदीय दलको नेताको निर्वाचनका लागि निर्वाचन समिति बनाउने व्यवस्था काँग्रेसमा छ ।
दिउँसो ३ बजे पार्टी केन्द्रीय कार्यालय सानेपामा बोलाइएको बैठकले निर्वाचन समिति गठन गर्ने र निर्वाचनको मिति तय गर्ने नेताहरुले बताएका छन् ।
काँग्रेसले आउँदो बुधबारसम्ममा संसदीय दलको नेता चयनका लागि निर्वाचन गर्ने तयारी गरेको छ ।
दलको नेतामा प्रधानमन्त्री शेरबहादुर देउवासहित महामन्त्री गगनकुमार थापा लगायतले दाबी गरेका छन् ।
प्रकाशित मिति: आइतबार, पुस ३, २०७९, ०९:१०
