पाल्पा । पाल्पाको तानसेनमा तोपका तीन सयभन्दा बढी गोला भेटिएका छन् । जिल्ला अस्पताल तानसेन नजिकै गोलाखानामा घडेरी खन्ने क्रममा तीन सय ३० भन्दा बढी तोपका गोला भेटिएको पाल्पाका प्रहरी नायब उपरीक्षक वीरेन्द्र थापाले जानकारी दिनुभयो ।
उहाँका अनुसार नेपाली सेनाको जग्गा रहेको ठाउँमा गेष्टहाउस निर्माणका लागि घडेरी खन्ने क्रममा पुराना तोपका गोला भेटिएका हुन् ।
यी गोला नेपाली सेनाले द्वन्द्वका बेला प्रयोग गरेको हुन सक्ने अनुमान गरिए पनि थप अनुसन्धान भइरहेको प्रहरीले जनाएको छ ।
घडेरी खन्ने काम भइरहेकाले अझै गोलाहरु भेटिन सक्ने नेपाली सेनाले जनाएको छ । अहिले गोला तानसेनस्थित सेनाको गणमा राखिएको छ।
प्रकाशित मिति: मंगलबार, पुस ५, २०७९, १७:३८
