काठमाडौँ । प्रतिनिधि सभाका सांसदहरूले पद तथा गोपनीयताको शपथ ग्रहण गर्नुभएको छ ।
सङ्घीय संसद् भवन नयाँ बानेश्वरमा आयोजित कार्यक्रममा ज्येष्ठ सांसद पशुपतिशमशेर जबराले सांसदहरूलाई पद तथा गोपनीयताको शपथ गराउनु भएको हो । केही सांसदले मातृभाषामा शपथ ग्रहण गर्नुभएको छ ।
शपथ ग्रहण समारोहमा चार जना सांसद अनुपस्थित थिए ।
सांसदहरू प्रेम आले, माया राई, महिन्द्र राय यादव र रामकुमार राई अनुपस्थित रहेको संसद् सचिवालयले जनाएको छ । सांसदहरूलाई संसद् सचिवालयले नयाँ लोगो पनि वितरण गरेको थियो ।
प्रकाशित मिति: बिहीबार, पुस ७, २०७९
