पर्वत । पोखरामा भएको जहाज दुर्घटनामा पर्बत जिल्लाका १० जना परेको खुलेकाे छ। दुर्घटनामा पर्वतको आर्थर घर भएका पत्रकार महासंघका केन्द्रीय सदस्य त्रिभुवन पौडेल, कुश्मा नगरपालिका ९ का अरुण पौडेल र प्रसिद्धि पौडेल परेका छन् । अरुण र प्रसिद्धि बुवा छोरी हुन् ।
यस्तै, कुश्मा नगरपालिका १ का आमा र छोरा रचना काफ्ले र रिहान पौडेल पनि दुर्घटनामा परेको पुष्टि भएको प्रहरीले जनाएको छ ।
यस्तै, दुर्घटनामा बिहादी गाउँपालिका ५ उरामपोखराका एकै परिवारका ४ जना परेका छन् । दुर्घटनामा अन्दाजी ६३ बर्षिय जमुना शर्मा, ४० बर्षिय युवराज शर्मा, युवराजका छोरीहरू १३ बर्षिय आरुबि र ५ वर्षिय बेबी शर्मा परेका हुन् । युवराज र जमुना शर्माको सनाखत भइसकेको प्रहरीले जनाएको छ ।
दुर्घटनामा पर्वतको मोदी १ भुकदेउरालीका विजय गुरुङ पनि परेका छन् ।
