डोटी । डोटीको केआईसिंह गाउँपालिका–१ लोलीमा भएको जिप दुर्घटनामा दुई जनाको मृत्यु भएको छ ।
दुर्घटनामा केआइसिंह गाउँपालिका–१ डुम्राकोटका ३६ वर्षीय जिप चालक गोविन्द शाही र सोही गाउँपालिकाको वडा नम्बर २ जारीमभाडीका ४१ वर्षीय धनबहादुर तिरूवाको घटनास्थलमै मृत्यु भएको प्रहरीले जनाएको छ ।
जिल्ला प्रहरी कार्यालय डोटीका अनुसार दुर्घटनामा थप ६ जना घाइते भएका छन् ।
गएराति भएको दुर्घटनामा घाइते मध्ये केआइसिंह गाउँपालिका–१ डुम्राकोटका २७ वर्षका तेज तिरूवा, सोही ठाउँकी २६ वर्षका राधा तिरुवाको अबस्था गम्भीर रहेको छ ।
सुपप्र ०१२३००१ च ३३२९ नम्बरको जिप दुर्घटनामा परेको हो । दिपायलबाट केआइसिंह जाँदै गर्दा जिप दुर्घटनामा परेको प्रहरीले जनाएको छ ।
प्रकाशित मिति: शनिबार, फागुन ६, २०७९, १०:०२
