काठमाडौँ । राष्ट्रपतिमा नेपाली काँग्रेसका रामचन्द्र पौडेलले उम्मेदवारी दर्ता गर्नुभएको छ।
उहाँको प्रस्तावकमा काँग्रेस सभापति शेरबहादुर देउवा, एकीकृत समाजवादी पार्टीका अध्यक्ष माधव कुमार नेपाल, नेकपा माओवादी केन्द्रका नेता नारायणकाजी श्रेष्ठ, जसपाका नेता अशोक कुमार राई र सांसद अब्दुल खान रहनुभएको छ ।
समर्थकमा लोसपाका अध्यक्ष महन्थ ठाकुर, काँग्रेसका पूर्णबहादुर खड्का, नागरिक उन्मुक्ति पार्टीका रञ्जिता श्रेष्ठ, राष्ट्रिय जनमोर्चाका चित्रबहादुर केसी र सांसद हितराज पाण्डे रहनुभएको छ।
पौडेललाई माओवादी केन्द्र, जसपा, नेकपा एस, नागरिक उन्मुक्ति पार्टी, लोसपा, जनमत पार्टी र राष्ट्रिय जनमोर्चाले समर्थन गरेका छन्।
प्रकाशित मिति: शनिबार, फागुन १३, २०७९, १४:३०
