काठमाडौ । आईसीसी विश्व क्रिकेट लिग ‘टु’ अन्तर्गत त्रिदेशीय शृङ्खलाको दोस्रो एक दिवसीय खेलमा नेपालले आज घरेलु टोली युएईसँग प्रतिस्पर्धा गर्दैछ ।
दुबई इन्टरनेशल क्रिकेट स्टेडियममा हुने खेल नेपाली समय अनुसार दिउँसो पौने १२ बजे सुरु हुनेछ । लगातार ५ खेल जितेको नेपाल आजको खेलमा पनि जित हात पार्दै लय कायम राख्ने सोंचमा छ । पछिल्ला दुई खेलमा हार ब्यहोरको युएई भने दबाबमा छ ।
नेपालले आज एक प्रमुख स्पिनर खेलाउन सक्ने सम्भावना छ । स्पिनर सन्दीप लामिछाने हिजो दिउँसो युएई पुगिसक्नुभएको छ । सन्दीप आजको खेलमा उपलब्ध हुने नहुने निश्चित छैन । कुनैपनि खेलाडी परिवर्तन गर्न एकदिन अघिनै आइसिसीले स्वीकृति दिएको हुनुपर्छ । त्यस्तै टेक्निकल कमिटीले एकदिन अघि अन्य टोलीलाई पनि जानकारी दिनुपर्छ । त्यसैले सन्दीप खेल्ने विषयमा अन्यौल देखिन्छ ।
सन्दीप उपलब्ध नहुँदा ललित खेल्ने सम्भावना छ भने गुल्सन झा र प्रतिश जिसी मध्ये एकजना बेन्चमा बस्ने सम्भावना छ ।
प्रकाशित मिति: बिहीबार, फागुन १८, २०७९
