काठमाडाैँ । विश्वकप क्रिकेट लिग टूमा नेपालले यूएईलाई २३० रनको लक्ष्य दिएको छ । यूएईमा टस जितेर पहिले ब्याटिङ रोजेको नेपालले ८ विकेट गुमाउँदै २२९ रन बनाएको हो ।
नेपालका भीम सार्कीले सबैभन्दा बढी ७० रन बनाउनुभयो । यस्तै, आरिफ शेखले अविजित ४३ कुशल मल्लले ३२ र सन्दीप लामिछानेले २७ रन बनाउनुभयो । यसैगरी, करण केशीले १७, ज्ञानेन्द्र मल्लले ११, आसिफ शेखले ६, दिपेन्द्रसिंह ऐरीले ४ र रोहित पौडेलले १ रन बनाउनुभयो ।
नियमित ओपनर कुशल भुर्तेल घाइते भएपछि आज ज्ञानेन्द्र मल्ल र आसिफ शेखले ओपनिङ गरेको खेलमा १४ रन हुँदा नेपालको पहिलो विकेट गुमेको थियो । त्यस्तै, ३४ मा दोस्रो, ४९ मा तेस्रो, ५९ मा चौथो, ६८ मा पाचौँ विकेट गएको थियो । छैटौ विकेटका लागि भीम र सन्दिपले ५२ तथा सातौँ विकेटका लागि ५५ रनको साझेदारी गर्दै नेपाली इनिङ केही उकास्नुभयो ।
यूएईले केहीबेरमा जवाफी ब्याटिङ गर्नेछ ।
आजको खेल शृंखलाको अन्तिम खेल हो । यसपछि नेपालले पपुवा न्युगिनी पीएनजी र यूएईसँगै काठमाडौँमा दुई दुई खेलको शृंखला खेल्नेछ । एकदिवसीय विश्वकप छनोट खेल्न नेपालले बाँकी पाँचवटै खेल जित्नुपर्ने छ । यस्तै एकदिवसीय मान्यता जोगाइराख्न पाँच मध्ये तीन खेल जित्नुपर्नेछ ।
प्रकाशित मिति: सोमबार, फागुन २२, २०७९