काठमाडौँ । आईसीसी विश्वकप क्रिकेट लिग टू अन्तर्गत नेपालले पपुवा न्यु गिनी (पीएनजी) लाई २९८ रनको लक्ष्य दिएको छ । कीर्तिपुरमा टस हारेर पहिले ब्याटिङ गरेको नेपाल अन्तिम ओभरमा २९७ रनमा अलआउट भयो । नेपालका आसिफ शेखले ११० रन बनाउनु भयो । यस्तै कुशल भुर्तेलले ४५, भीम सार्कीले ४४ र रोहित पाैडेलले ३० रनको योगदान गर्नुभयो ।
यससँगै आरिफको एक दिवसीय क्रिकेटमा १ हजार रन पनि पूरा भएको छ । उहाँ दिवसीय क्रिकेटमा १ हजार रन पूरा गर्ने दोस्रो नेपाली खेलाडी बन्नुभएको छ ।
विश्वकप लिग टूको शीर्ष ३ मा रहँदै सिधै विश्वकप छनोट खेल्न नेपाललाई आजको सहित सबै चार खेल जित्नुपर्ने बाध्यता छ ।
मार्च फागुन २८मा यूएईसँग फागुन २९मा पपुवा न्युगिनीसँग र चैत २ गते यूएईसँग खेल्नेछ । नेपाल सात देश सम्मिलित विश्वकप लिग टूमा ३२ खेलमा ३२ अंक सहित पाचौँ स्थानमा छ भने पीएनजी ३२ खेलमा ९ अङ्कसहित तालिकाको पुछारमा छ ।
प्रकाशित मिति: बिहीबार, फागुन २५, २०७९
