काठमाडाैँ । आईसीसी विश्वकप क्रिकेट लिग टू अन्तर्गतको अन्तिम त्रिकोणात्मक शृंखलाको आफ्नो दोस्रो खेलमा नेपालले युएईसँग पहिले ब्याटिङ गरिरहेको छ ।
कीर्तिपुरमा टस जितेर ब्याटिङ रोजेको नेपालले सुरुवात भने खराब गरेको छ । नेपालका दुवै ओपनर ५ ओभरभित्रै आउट भएका छन्। दोस्रो ओभरमा आसिफ सेख आउट भएको खेलको पाँचाै ओभरमा अर्का ओपनर कुशल भुर्तेल पनि आउट हुनुभयो । यस्तै कुशल मल्ल ९ रनमा आउट हुनुभयो । ओपनर कुशलले ८ रन बनाउनुभयो भने आसिफले रनको खाता नै खोल्न सक्नुभएन ।
८ ओभरको खेल सकिँदा नेपालले ३ विकेट गुमाएर २६ रन बनाएको छ ।
आज करण केसी र ज्ञानेन्द्र मल्लको ठाउँमा स्पिनर ललितनारायण राजवंशी र अलराउण्डर गुलशन झालाई समावेश गरिएको छ ।
आज नेपालका खेलाडी
आसिफ शेख (विकेट किपर),कुशल भुर्तेल,गुलशन झा, रोहित पौडेल (कप्तान),भिम सार्की,दीपेन्द्र सिंह ऐरी,आरिफ शेख,कुशल मल्ल,ललित नारायण राजवंशी,सोमपाल कामी र सन्दीप लामिछाने
पहिलो खेलमा जित हात पारेको नेपाल आजको खेलमा पनि जित निकाल्न चाहन्छ । पहिलो खेलमा नेपालले पपुवा न्यु गिनी(पीएनजी)लाई पराजित गरेको थियो ।
प्रकाशित मिति: आइतबार, फागुन २८, २०७९
