काठमाडाैँ । विश्वकप क्रिकेट लिग टूमा नेपालले यूएईलाई २४९ रनको लक्ष्य दिएको छ । कीर्तिपुरमा टस जितेर ब्याटिङ रोजेको नेपाल खलेको ४ बल बाँकी हुँदै २४८ रनमा अलआउट भयो ।
नेपालका लागि कप्तान रोहितकुमार पाैडेलले सबैभन्दा धेरै ७७ रन बनाउनुभयो । त्यस्तै आरिफ सेखले ४३, गुल्सन झाले ३७, दिपेन्द्रसिंह एेरीले ३४ र भीम सार्कीले २९ रन बनाउनुभयो ।
खराब सुरूवात गर्दै नेपालले २२ रन बनाउँदा ३ विकेट गुमाएको थियो । तर, मध्यक्रममा कप्तान रोहितले भीम र आरिफसँग राम्रो साझेदारी गरेपछि नेपालको योगफल सम्मानजनक बनेको हो । रोहित र भीमले चाैथाे विकेटका लागि ५५ रन तथा पाँचाै विकेटका लागि ८६ रनको साझेदारी गर्नुभयो । रोहितले ११२ बल खेल्दै ९ चाैकासहित ७७ रन बनाउनुभयो ।
दिपेन्द्रले विष्फोटक ब्याटिङ गर्दै १९ बलमा ३ चाैका र २ छक्कासहित ३४ रन बनाउनुभयो । ३२ बल खेलेका गुल्सनले ३ छक्का र १ चाैकासहित ३७ रन बनाउनुभयो ।
नेपालका ओपनर कुशल भुर्तेल ७ र आसिफ सेख शुन्य रनमा आउट हुनुभयो । यस्तै कुशल मल्लले ९ रन बनाउनुभयो ।
प्रकाशित मिति: आइतबार, फागुन २८, २०७९
