काठमाडौँ । विश्वकप क्रिकेट लिग-टूको आफ्नो अन्तिम खेलमा नेपाल अहिले युएईसँग खेलिरहेको छ । कीर्तिपुरमा युएईले टस जितेर ब्याटिङ रोजेपछि नेपाल पहिले बलिङ गरिररहेको छ ।
नेपालले पहिलो सफलता हात पारेको छ । नेपालका ललित राजवंशीले विकेट लिनुभएको हो । उहाँले तेस्रो ओभरमा यूएईका आर्यन लाक्रालाई ६ रनमा आउट गर्नुभयो । तेस्रो ओभरको खेल सकिँदा यूएईले १ विकेट गुमाएर १९ रन बनाएको छ ।
नेपालले आज युएईलाई पराजित गर्न सके आउँदो जुन जुलाईमा जिम्बावेमा हुने विश्वकप छनोटमा खेल्न पाउनेछ। पराजित भएमा यसै महिनाकाे अन्तिममा नामिबियामा हुने क्वालिफायर प्ले अफ खेल्नुपर्ने छ । नेपाल ३५ खेलमा ३८ अङ्कसहित चौथो स्थानमा छ । नामिबिया ३६ खेलमा ३९ अङ्कका साथ तेस्रो स्थानमा छ। आजको खेल नतिजाविहीन भए नेपाल र नामिबिया दुवैको ३९–३९ अंक हुनेछ। जित प्रतिशतका आधारमा नामिबिया विश्वकप छनोट खेल्नेछ ।
आज नेपालले टोलीमा एक परिवर्तन गरेको छ । आज करण केसीको ठाउँमा गुलशन झालाई खेलाइएको छ ।
प्रकाशित मिति: बिहीबार, चैत २, २०७९
