काठमाडौँ । उपराष्ट्रपति पदको निर्वाचन आज हुँदैछ ।
बिहान १० बजेदेखि दिउँसो ३ बजेसम्ममा मतदानको व्यवस्था मिलाइएको निर्वाचन अधिकृतको कार्यालयले जनाएको छ ।
काठमाडौँको नयाँबानेश्वरस्थित अन्तर्राष्ट्रिय सम्मेलन केन्द्रमा मतदान हुने छ ।
सङ्घीय संसद्का सदस्यले मतदान गर्ने केन्द्रमा अधिकृत कृष्णशरण लामिछाने र प्रदेश सभाका सदस्यले मतदान गर्ने केन्द्रमा अधिकृत मन्दिरा शाहीलाई मतदानस्थलमा खटाइएको निर्वाचन अधिकृतको कार्यालयले जनाएको छ।
निर्वाचन आयोगका प्रवक्ता शालिग्राम शर्मा पौडेलले आज साँझ ६ बजेभित्रमा उपराष्ट्रपतिको निर्वाचनको नतिजा आइसक्ने सीआईएनसँग बताउनुभयो ।
प्रकाशित मिति: शुक्रबार, चैत ३, २०७९, ०८:१६
