नेपालगञ्ज । साहित्यकार दिला शाहको कथा सङ्ग्रह "अँध्यारो बस्तीकी नायिका" सार्वजनिक भएको छ ।
बाँकेको नेपालगञ्जमा आज आयोजित एक समारोहका बीच कथाकार शाह,मदन पुरस्कार विजेता कथाकार तथा साहित्यकार महेशविक्रम शाहलगायतले कथासङ्ग्रहको विमोचन गर्नुभएको हो ।
"अँध्यारो बस्तीकी नायिका" भित्र नारीले समाजमा सामना गर्नुपर्ने चुनौती र अवसर पाएमा हासिल गर्नसक्ने सफलतालाई मुख्य विषवस्तु बनाइएको कथाकार शाहले बताउनुभयो ।
आफूले देखेका,सुनेका विषयवस्तुहरु कितावमा उतारेको उहाँको भनाइ छ । शिखा बुक्सले प्रकाशन गरेको "अँध्यारो बस्तीकी नायिका" मा १८ वटा कथा समावेश छन् ।
समाजसेवा तथा सफल उद्यमीको परिचय बनाउनु भएका दिला शाहका यसअघि गीत सङ्ग्रह"स्पन्दन",संयुक्त गजल सङ्ग्रह सङ्खनाद र एउटा कविता सङ्ग्रह प्रकाशित भइसकेका छन् ।
प्रकाशित मिति: शनिबार, चैत ११, २०७९, १७:१९
