काठमाडाैँ । नेपाल एसीसी प्रिमियर कपको सेमिफाइनलमा प्रवेश गरेको छ । आजका लागि तय साउदि अरेबियासँगको खेल पानीका कारण असम्भव भएपछि अङ्क बाँँड्दै नेपाल प्रतियोगिताको सेमिफाइनल पुगेको हो ।
मूलपानी क्रिकेट मैदानमा हुने तय भएको खेल रद्द भएको हो । प्रतियोगितामा नेपालले मुलपानीमा यहि एउटा खेल खेल्ने तय थियो ।
नेपालले यसअघि पहिलो खेलमा मलेसियालाई ६ विकेटले र दोस्रो खेलमा ओमानलाई ८४ रनले हराएको थियो । शीर्ष स्थानमा रहेको नेपालको ३ खेलबाट ५ अंक भएको छ। साउदी ३ अंकसहित तेस्रो स्थानमा छ। नेपालले अन्तिम खेल बिहीबार कतारसँग कीर्तिपुरमा खेल्ने छ।
साउदीले पहिलो खेलमा मलेसियासँग ८ विकेटले पराजित भएको थियोेभने दोस्रो खेलमा कतारलाई ७ विकेटले पराजित गरेको थियोे ।
प्रकाशित मिति: सोमबार, वैशाख ११, २०८०
