काठमाडौँ । गत वर्षको तुलनामा चालु आर्थिक वर्षको चैतसम्म अम्रिसो निर्यात ३९ दशमलब ४९ प्रतिशतले बढेको छ ।
साउनदेखि चैतसम्ममा नेपालले ८५ करोड २५ लाख ५७ हजार रूपैयाँको १ करोड २३ लाख ८० हजार ९ सय ९० किलो अम्रिसो निर्यात गरेको हो ।
गत वर्ष भने सोही अवधिमा ६१ करोड ११ लाख ६८ हजार रूपैयाँको अम्रिसो निर्यात भएको थियो, जुन यो वर्षको तुलनामा २४ करोड १३ लाख ८९ हजारले कम हो ।
पछिल्लो समय उत्पादन बढेको र भारतमा नेपाली अम्रिसोको माग पनि उच्च भएका कारण निर्यात बढेको राष्ट्रिय कुचो सङ्घका अध्यक्ष राजकुमार कार्कीले सआिईएनसँग बताउनुभयो ।
अम्रिसोको बेर्ना जेठअसारमा लगाउन उपयुक्त हुने भएकाले खेती गर्न इच्छुक किसानले सम्पर्क गर्नसक्ने पशुसेवा विभागका प्रवक्ता चन्द्र ढकालले सीआईएनसँग बताउनुभयो ।
अम्रिसो नेपालको मध्य तथा पूर्वी भेगमा व्यासायिक खेती हुने गरेको छ ।
अहिले अम्रिसो प्रतिकिलो मूल्य १ सय ५० देखि २ सय रुपैयाँसम्म पर्छ । अम्रिसो एकपटक लगाएपछि १० देखि १५ वर्षसम्म उत्पादन लिन सकिन्छ ।
प्रकाशित मिति: शनिबार, वैशाख १६, २०८०
