काठमाडौँ । एसीसी प्रिमियर कप क्रिकेटको फाइनलमा आज नेपालले यूएईसँग खेल्दैछ ।
त्रिवि क्रिकेट मैदान कीर्तिपुरमा बिहान ९ बजे खेल हुने कार्यतालिका छ ।
नेपाली टिमका समर्थक आउनेक्रम चलिरहेको छ । काठमाडौँ उपत्यकालगायत मुलुकका अधिकांश स्थानमा पानी पर्ने पूर्वानुमानका कारण खेल हुन्छ वा हुँदैन भन्ने बारेमा अन्योल छ ।
आजको खेलमा विजयी हुने टोली आगामी सेप्टेम्बरमा पाकिस्तानमा हुने एसियाकप खेल्नेछन् ।
वर्षाको कारण आजको खेल रोकिएमा भोलि खेलाउन प्रयास गरिने जनाइएको छ तर यसबारेमा आधिकारिक निर्णय भइसकेको छैन ।
भोलि पनि मौसमका कारण खेल हुन नसकेमा सुपर ओभरको प्रयास गरिने छ ।
सुपर ओभरको खेल पनि हुन सकेन भने ओडीआई वरियतामा माथि रहने टोली एसिया कप खेल्नेछ ।
वरियतामा यूएईभन्दा नेपाल अगाडी छ । ओडीआई वरियतामा नेपाल १४ औँ स्थानमा र युएई १९ औँ स्थानमा छ ।
प्रकाशित मिति: सोमबार, वैशाख १८, २०८०, ०८:१८
