काठमाडाैँ । एसीसी प्रिमयर कप क्रिकेटको फाइनलमा यूएईसँग पहिले बलिङ गरिरहेको नेपालले राम्रो प्रदर्शनलाई कायमै राखेको छ । टस जितेर फिल्डिङ रोजेको नेपालले धमाधम विकेट लिइरहेको छ । जसका कारण यूएईका ब्याटर खुलेर खुल्न सकेका छैनन् ।
२८ ओभर ३ बलमा यूएईले ९ विकेट गुमाएर जम्मा १०६ रन बनाएको छ । नेपालका लागि ललित नारायण राजवंशीले तीन तथा सन्दीप लामिछाने र करण केशीले दुई दुई र साेमपाल कामीले १ विकेट लिनुभयो । पानी परेका कारण अहिले खेल दोस्रो पटक रोकिएको छ । यसअघि केहीबेर रोकिएको खेल फेरि सुरू भएको थियो ।
फाइनलको विजेताले भारत पाकिस्तान पनि सहभागि हुने एसिया कप खेल्नेछ ।
प्रकाशित मिति: सोमबार, वैशाख १८, २०८०
