काठमाडौ । पूर्व शिक्षामन्त्री धनिराम पौडेलको निधन भएको छ । नेपाल कम्युनिष्ट पार्टी नेकपाका केन्द्रीय सदस्य समेत रहनु भएका नेता पौडेलको गएराति चितवनको माडीमा निधन भएको हो ।
नेता पौडेलको हृदयघातका कारण मृत्यु भएको पारिवारीक सदस्यले जानकारी दिएका छन । घर निर्माणका क्रममा काम गर्दैगर्दा बिहान ७ बजेतिर पौडललाई हृदयघात भएको थियो । माडीस्थित बगौडा अस्पताल लैजाँदै गर्दा उहाँको निधन भएको हो ।
उहाँ तत्कालिन माओवादी केन्द्रको सरकार हुँदा शिक्षा मन्त्री हुनुहुन्थ्यो । उहाँ जनमोर्चासँग एकीकरणका क्रममा तत्कालीन माओवादीमा आवद्ध हुनुहुन्थ्यो । दोश्रो संविधानसभा चुनावमा समानुपातिक सांसद हुँदै प्रचण्ड दोस्रो पटक प्रधानमन्त्री हुँदा शिक्षामन्त्रीको जिम्मेवारी पाउनु भएको थियो । । पौडेलका दुई छोरी छन् ।
प्रकाशित मिति: शुक्रबार, जेठ ३१, २०७६, ०८:३१
