काठमाडौँ । कामीरिता शेर्पाले २७औं पटक सगरमाथाको आरोहण गर्नुभएको छ । उहाँले बुधबार बिहान साढे ८ बजे सगरमाथाको २७ औँ पटक आरोहण गर्नुभएको सेभेन समिट ट्रेक्सले जनाएको हो ।
सन् १९९२ बाट आरोहण यात्रा सुरु गर्नुभएका उहाँले यसअघि २०७९ वैशाख २४ गते सगरमाथाको २६औँ पटक आरोहण गर्नुभएको थियो। उहाँले सगरमाथासँगै विश्वकै दोस्रो अग्लो हिमाल के टू, चोयू, ल्होत्से र मकालुलगायतका हिमाल आरोहण गर्नुभएको छ ।
कामीरिता सन् २००९, २०१०, २०१३ र २०१९ मा एकै याममा दुईपटक सगरमाथा आरोहण गर्नुभएको थियो । सोलुखुम्बुकै पादावा शेर्पाले यसै याममा २६ औँ पटक सगरमाथा आरोहण गर्दै कामिरिताको कीर्तिमानको बराबारी गर्नुभएको थियो ।
प्रकाशित मिति: बुधबार, जेठ ३, २०८०, १२:११
