ताप्लेजुङ । ताप्लेजुङको मैवाखोला गाउँपालिकामा ट्याक्टर दुर्घटना हुँदा एक युवकको मृत्यु भएको छ ।
मृत्यु हुनेमा फक्ताङलुङ गाउँपालिका ३ लिङखिम सिँवाका १९ वर्षीय सन्दीप तामाङ रहेको जिल्ला प्रहरी कार्यालय ताप्लेजुङका प्रहरी निरीक्षक कुशराम कार्कीले जानकारी दिनुभयो ।
उहाँका अनुसार गएराति मैवाखोला गाउँपालिका १ तेल्लाबुङतर्फ बालुवा लिएर जाँदै गरेको को २ त ७८७७ नम्बरको ट्याक्टर दुर्घटना हुँदा सन्दीपको घटनास्थलमै मृत्यु भएको हो ।
चालक मिक्वाखोला गाउँपालिका १ का कुशल लिम्बू भने दुर्घटनापछि भागेको प्रहरीले जनाएको छ ।
फरार चालकको खोजीकार्य जारी रहेको प्रहरीको भनाइ छ ।
प्रकाशित मिति: शुक्रबार, जेठ ५, २०८०, ०७:२९
