नारायण ओली
रुकुम पश्चिम । रुकुम पश्चिमको बाँफिकोट गाउँपालिका ८ दुलीमा जिप दुर्घटना हुँदा चार जनाको मृत्यु भएको छ । ११ जना घाइते भएका छन् । दुर्घटनामा सानी भेरी गाउँपालिका ५ का देउचन खत्री, कर्णबहादुर बाँठा, बाँफिकोट गाउँपालिका ८ की रेखा खत्री र उहाँका छोराको घटनास्थलमै मृत्यु भएको घटनास्थलमा रहेका सानी भेरी गाउँपालिका -६ का डिलबहादुर केसीले जानकारी दिनुभयो ।
सानी भेरी गाउँपालिका ५ मेलचौरबाट दुली हुँदै जिल्ला सदरमुकाम खलङ्गाका लागि छुटेको लु १ ज १७४७ नम्बरको जिप दुलीको मोतिखोलामा दुर्घटना भएको हो । उनीहरुलाई उद्धार गरेर उपचारको लागि जिल्ला अस्पताल सल्ले पठाईएको छ । दुर्घटनाको कारणबारे अनुसन्धान भइरहेको प्रहरीले जनाएको छ ।
प्रकाशित मिति: बिहीबार, जेठ ११, २०८०, १४:४५
