विश्व टेस्ट च्याम्पियनसिपको उपाधी अस्ट्रेलियाले जितेको छ । इंग्ल्यान्डको ओभलमा भएको फाइनलमा आज भारतलाई २ सय ९ रनले हराउँदै अस्ट्रेलिया विजयी भएको हो ।
४ सय ४४ रनको लक्ष्य पाएको भारतले पाँचौ दिनको पहिलो सत्रमा २ सय ३४ रनमात्र बनाउन सक्यो । भारतका विराट कोहलीले ४९ र अजिन्क्या रहानलेले ४६ र कप्तान रोहित शर्माले ४३ रन बनाउनुभयो । कोहली र अजिंक्या रहाणेले चौथो विकेटका लागि ८६ रनको साझेदारी गरे पनि भारतलाई जिताउन त्यो पर्याप्त भएन ।
अीट्रेलियाका नाथन लायनले ४ तथा स्कट बोल्यान्डले ३ विकेट लिनुभयो ।
त्यसअघि अष्ट्रेलियाले दोस्रो पालिमा ८ विकेट गुमाएर २ सय ७० रन बनाउँदै पालि समाप्तिको समाप्तिको घोषणा गरेको थियो । त्यससँगै, पहिलो इनिङमा १ सय ७३ रनले पछि रहेको भारतले ४ सय ४४ रनको लक्ष्य पाएको थियो ।
प्रकाशित मिति: आइतबार, जेठ २८, २०८०
