काठमाडाैँ । नेपाली राष्ट्रिय फुटबल टोलीकी स्ट्राइकर सावित्रा भण्डारी 'साम्बा'ले युरोपेली क्लबबाट खेल्ने हुनुभएको छ । साबित्राले आगामी सिजनमा इजरायलको शीर्ष डिभिजन क्लब हापोएल रानानाबाट फुटबल खेल्ने पक्का भएको हो । क्लबले मंगलबार सामाजिक संजालमार्फत साबित्रालाई अनुबन्ध गरेको पुष्टि गरेको छ । इजरेल एसियाली देश भए पनि यूरोपेली फूटबल संघको सदस्य छ ।
सावित्राले लामो समयदेखिको युरोपमा फुटबल खेल्ने सपना पूरा हुन लागेको भन्दै यसले खुशी तुल्याएको बताउनुभएको छ ।
नेपालमा मात्र नभएर दक्षिण एसियाकै चर्चित र सफल स्ट्राइकर साबित्राले भारतीय शीर्ष डिभिजन लिगमा आफ्नो क्लवलाई च्याम्पियन बनाउन महत्त्वपूर्ण भूमिका निर्वाह गर्नुभएको थियो । भारतका दुई क्लवबाट खेल्दै साबित्राले तीन पटक च्याम्पियनको ताज पहिरिनुभयो । यसपटकको सिजनमा सावित्रा १० खेलमा २९ गोल गर्दै सर्बाधिक गोलकर्ता बन्नुभएको थियो ।
प्रकाशित मिति: मंगलबार, जेठ ३०, २०८०
