काठमाडौं । विश्वकप क्रिकेट छनोटमा नेपालले जितका जिम्बावे सामु दुई सय ९१ रनको लक्ष्य प्रस्तुत गरेको छ ।
हरारेमा टस हारेर पहिला ब्याटिङ गरेको नेपालले ५० ओभरमा ८ विकेट गुमाउँदै दुई सय ९० रन बनायो । नेपालका लागि ओपनर ब्याटर कुशल भुर्तेलले ९९ रन बनाउनुभयो । शतक बनाउनबाट एक रनले चक्नु भएका भुर्तेलले ९५ बलको सामना गर्दा १३ चौका र दुई छक्का प्रहार गर्नुभयो । त्यस्तै अर्का ओपनर आसिफ शेखले सय बल खेल्दै सात चौकाको मद्दतमा ६६ रन बनाउनुभयो ।
तेस्रो नम्बरमा आएका कुशल मल्लले ४१ रन बनाउँदा कप्तान रोहितकुमार पौडेल ३१ रन बनाउनुभयो । जिम्बावेका रिचर्ड नागरभाले ४ विकेट लिनुभयो । घरेलु टोली जिम्बावेले केहिबेरमा जवाफी ब्याटिङ गर्नेछ ।
प्रकाशित मिति: आइतबार, असार ३, २०८०
