काठमाडौँ । गोरखामा जन्ती बोकेको बस दुर्घटना हुँदा ५ जनाको मृत्यु भएको छ । १२ जना घाइते भएका छन् ।
बिहान सवा १ बजेतिर सहिदलखन गाउँपालिका ३ मा पर्ने पातले खोलामा प्रदेश ३ –०१–०२३ च २४२७ नम्बरको बस दुर्घटनामा परेको जिल्ला प्रहरी कार्यालय गोरखाका डीएसपी लिलाराज लामिछानेले सीआईएनलाई जानकारी दिनुभयो ।
उहाँका अनुसार दुर्घटनामा परेर ४ पुरुष र एक महिलाको घटनास्थलमै मृत्यु भएको हो ।
घाइते १२ जनालाई उपचारको लागि अस्पताल लगिएको उहाँले बताउनुभयो । अहिले उद्धारको काम चलिरहेको छ ।
पानी परिरहेका कारण उद्धारमा कठिनाइ भएको प्रहरीले जानकारी दिएको छ ।
प्रकाशित मिति: शुक्रबार, असार ८, २०८०, ०६:३९
