काठमाडौँ । आईसीसी एकदिवसीय विश्वकप क्रिकेट छनोटमा आज (शनिबार) नेपाल नेदरल्यान्ड्ससँग खेल्दैछ ।
खेल जिम्बावेको टाकासिंगा स्पोर्टस् क्लबमा नेपाली समय अनुसार दिउँसो पौने १ बाट सुरु हुनेछ ।
आजको खेलमा नेदरल्यान्ड्सलाई हराउन सके नेपालको सुपर सिक्समा पुग्ने सम्भावना बलियो हुनेछ । उसो त नेदरल्यान्ड्स पनि नेपाललाई हराउँदै सुपर सिक्सको सम्भावना बलियो बनाउन चाहन्छ । नेदरल्यान्ड्सले आफ्नो अन्तिम खेलमा सोमबार वेस्ट इन्डिजसँग खेल्नेछ ।
नेपालले यसअघि अमेरिकालाई ६ विकेटले हराएको थियो भने जिम्बावेसँग ८ विकेटले र वेस्टइन्डिजसँग १ सय १ रनले पराजित भएको थियो। यस्तै, नेदरल्यान्ड्स जिम्बावेसँग ६ विकेटले पराजित भएको थियो भने नेदरल्यान्ड्सले अमेरिकालाई ५ विकेटले हराएको थियो ।
नेपाल र नेदरल्यान्डबीच अहिलेसम्म दुई वटा एकदिवसीय क्रिकेट भएकोमा दुबैले एक एक खेल जितेका छन् ।
दक्षिण अफ्रिकामा भएको अभ्यास खेलमा भने नेपाल नेदरल्यान्ड्ससँग पराजित भएको थियो ।
प्रकाशित मिति: शनिबार, असार ९, २०८०