काठमाडाैँ । १६ वर्षमुनिको इस्ट जोन कप क्रिकेटको सेमिफाइनलमा नेपालले सिंगापुरसँग खेल्ने भएको छ ।
शुक्रबार मलेसियालाई हराउँदै समूह ‘ए’ विजेता बनेको नेपालले सेमिफाइनलमा समूह 'बी'को उपविजेता सिंगापुरसँग खेल्ने भएको हो ।
सिंगापुर शुक्रबार नै हङकङसँग ७ विकेटले पराजित भयो । हङकङले सेमिफाइनलमा समूह 'ए'को उपविजेता मलेसियासँग खेल्नेछ ।
सेमिफाइनलका दुबै खेल आगामी सोमबार हुनेछन् ।
आज नेपालले घरेलु टोली मलेसियालाई ८४ रनले हरायएको हो । १ सय ८४ रनको लक्ष्य पाएको मलेसिया ३१ औँ ओभरमा ९९ रनमै अलआउट भयाे । नेपालका लागि अशोक धामीले ४,अभिषेक तिवारीले ३, सन्तोष यादवले २ र कृतिक कामतले १ विकेट लिनुभयो ।
टस जितेर पहिले ब्याटिङ गरेको नेपाल ३४ औँ ओभरमा १८३ रनमा अलआउट भयो ।
प्लेयर अफ द म्याच अशोक धामीले ५२ रन बनाउनुभयो । यस्तै सूर्यांशु कोइराला र नरेन खड्काले समान २९-२९ रन बनाउनुभयो ।
प्रकाशित मिति: शुक्रबार, असार १५, २०८०
