काठमाडौँ । आइसीसी एकदिवसीय विश्वकप क्रिकेट छनोटअन्तर्गत सातौँ स्थानको प्लेअफका लागि नेपालले आज (आइतबार) युएईसँग खेल्दैछ। खेल जिम्बावेको हरारेमा नेपाली समयअनुसार दिउँसो १२ः४५ बजे सुरु हुनेछ।
आज विजयी हुने टोलीले छनोटको सातौँ स्थानका लागि आयरल्यान्डसँग खेल्नेछ भने आज पराजित हुने टोलीले नवौँ स्थानका लागि अमेरिकासँग खेल्नेछ ।
समूह ‘ए’ मा चौथौ स्थानमा रहेको नेपालले ‘सुपर सिक्स’ खेल्ने अवसरबाट भने बञ्चित भएको थियो । यूएई समूह ‘बी’ को पाँचौ स्थानमा रहेको टोली हो ।
नेपालले चीर प्रतिद्वन्द्वी युएईसँग खेलेका पछिल्ला चार खेलमा लगातार जित हात पारेको छ ।
प्रकाशित मिति: आइतबार, असार १७, २०८०
