काठमाडाैँ । नेपाल १६ वर्षमुनिको 'एसीसी इस्ट जोन कप क्रिकेट'को फाइनल प्रवेश गरेको छ । आज (सोमबार) भएको सेमिफाइनलमा सिंगापुरलाई ९७ रनले हराउँदै नेपाल फाइनलमा पुगेको हो। नेपालले उपाधिका लागि मङ्गलबार आयोजक मलेसियासँग खेल्नेछ ।
१८५ रनको लक्ष्य पछ्याएको सिंगापुर ३२ औँ ओभरमा ९७ रनमै अलआउट भयो। बलिङमा नेपालका कृतिक कामदले ३ तथा अभिषेक तिवारी, प्रतिक पोखरेल, सन्तोष यादव, अशोक धामी र नरेश भट्टले १-१ विकेट लिनुभयो ।
टस जितेर पहिले ब्याटिङ गरेको नेपालले निर्धारित ३५ ओभरमा ९ विकेट गुमाएर १८४ रन जोड्यो।
नेपालका लागि ओपनर सूर्यान्सु कोइरालाले ४३ र निरजकुमार यादवले ४२ रन बनाउनुभयो भने कप्तान अभिषेक तिवारीले २५ रनको योगदान गर्नुभयो ।
आजै भएको अर्को सेमिफाइनलमा मलेसियाले हङकङलाई ७८ रनले हराउँदै फाइनलमा स्थान पक्का गरेको हो ।
प्रकाशित मिति: सोमबार, असार १८, २०८०
