काठमाडाैँ । नेकपा माओवादी केन्द्रका सल्लाकार तथा नेकपा माओवादीका अध्यक्ष एवम् प्रधानमन्त्री पुष्पकमल दाहाल प्रचण्ड पत्नी सीता दाहालको राजकीय सम्मानका साथ अन्त्येष्टि गरिएको छ ।
उहाँको आज दिउँसो पशुपति आर्यघाटमा हिन्दु परम्परा अनुसार अन्तिम संस्कार गरिएको हो ।
उहाँको पार्थिव शरीरमा प्रधानमन्त्री प्रचण्ड र छोरीहरू रेणु र गंगा दाहालले दागबत्ती दिनुभयो ।
पार्थिव शरीरमा उपप्रधानमन्त्री पूर्णबहादुर खड्काले राष्ट्रिय झण्डा ओडाउनुभएको थियो भने नेपाली सेनाको टुकडीले राष्ट्रिय सम्मान स्वरुप अन्तिम सलामी दिएको थियो । त्यसअघि उहाँको पार्थिव शरीर माओवादी केन्द्रको पार्टी केन्द्रीय कार्यालय पेरिसडाँडामा श्रद्धाञ्जलीका लागि राखिएको थियो ।
नेपाली कांग्रेसका सभापति तथा पूर्वप्रधानमन्त्री शेरबहादुर देउवा, नेकपा एमालेका अध्यक्ष एवं पूर्वप्रधानमन्त्री केपी शर्मा ओली, नेकपा एकीकृत समाजवादीका अध्यक्ष तथा पूर्वप्रधानमन्त्री माधव नेपाललगायत नेतासहित धेरै कार्यकर्ता र सर्वसाधारण पशुपति आर्यघाट पुगेका थिए ।
६९ वर्षिय दाहालको मंगलबार बिहान नर्भिक अस्पतालमा निधन भएको हो । उहाँ लामो समयदेखि विरामी हुनुहुन्थ्यो ।
प्रकाशित मिति: बुधबार, असार २७, २०८०, १६:२६
