काठमाडौँ । गायिका रेखा शाहले तीज गीत 'लहरै आयो तिजैको बरिलै'को अडियो र भिडियो सार्वजनिक गर्नुभएको थियो । सिमसिमे पानीमा बोलको गीतबाट प्रसिद्धि कमाएकी गायिका शाहले यसपटकको तिजको अवसरमा तिज गीत सार्वजनिक गर्नुभएको हो ।
टेकेन्द्र नेपालीको शब्द र सङ्गीत रहेको गीतमा पवन रानाभाटको सङ्गीत संयोजन रहेको छ । रूपेश थापाले छायाङ्कन र निर्देशन गरेको म्युजिक भिडियोमा नेपालका प्रसिद्ध अभिनेत्रीद्वय श्वेता खड्का र नीता ढुङ्गानाको नृत्य र अभिनय रहेको छ । दुई अभिनेत्रीसँगै गायिका शाहले पनि अभिनय गरेको गीतमा स्मृति तिमल्सिनाको नृत्य निर्देशन र मिलन विश्वकर्माको सम्पादन रहेको छ ।
गत वर्ष 'छमछम पातली कम्मर' बोलको तीज गीतबाट सफलता प्राप्त गरेपछि उत्साहित भएकी गायिका शाह भन्छिन्, "मैले गीतको शब्द, सङ्गीतमा संस्कृति अनुसारको शालीनता र अभिनयमा नयाँपनका लागि ख्यातिप्राप्त अभिनेत्रीद्वय श्वेता खड्का र नीता ढुङ्गानासँग काम गरेकी छु । यसको सफलतामा निकै विश्वस्त छु ।"
भूपेन्द्र खड्काको अडियो प्रोडक्सनमा 'अ सेरिज नेपाल' र 'रेखा शाह फाउन्डेसन'को प्रस्तुति रहेको गीतको भिडियओ गायिका शाहकै युट्युब च्यानलबाट सार्वजनिक भएको हो ।
गीतको भिडिओ
https://www.youtube.com/watch?v=95tcTLoQe2I
प्रकाशित मिति: मंगलबार, भदौ ५, २०८०, १४:०७
