पूर्णप्रसाद न्यौपाने, भिजन एफएम, ओखलढुंगा
ओखलढुंगामा बस दुर्घटना हुँदा ३ जनाको मृत्यु भएको छ ।
जिल्लाको मानेभज्याङ गाउँपालिका ६ डढुवामा आज बिहान ३ बजे बस दुर्घटना भएको हो ।
दुर्घटनामा तीन जनाको घटनास्थलमै मृत्यु भएको प्रहरीले जनाएको छ ।
प्रहरीका अनुसार मृततको पहिचान खुलिसकेको छैन । दुर्घटनामा अन्य १७ जना घाइते भएका छन् ।
घाइतेमध्ये केहीको अवस्था गम्भीर रहेको यातायात व्यवसायी रमेश श्रेष्ठले जानकारी दिनुभयो ।
उहाँका अनुसार काँकरभिट्टाबाट सोलुखुम्बुतर्फ आउँदै गरेको मे १ ख १८९१ नम्बरको रात्री बस दुर्घटनामा परेको हो ।
भँडारे नजिक पर्ने डडुवा डाडँमा माथिल्लो घुम्तीबाट बस झरेर दुर्घटना भएको जिल्ला प्रहरी कार्यालय ओखलढुंगाको सञ्चार शाखाले जनाएको छ । सुरक्षाकर्मी र स्थानीयले घाईतेको उद्धार गरिरहेका छन् ।
घटनाको विषयमा थप विवरण आउन बाँकी छ ।
प्रकाशित मिति: बुधबार, असार २५, २०७६, ०९:०१
