काठमाडौँ । संविधानसभा अध्यक्ष तथा नेकपा एमालेका उपाध्यक्ष सुवास नेम्वाङप्रति श्रद्धाञ्जली अर्पण गर्ने क्रम चलिरहेको छ ।
प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड, पूर्व राष्ट्रपति विद्यादेवी भण्डारी, एमाले अध्यक्ष केपी शर्मा ओली, पूर्व प्रधानमन्त्री तथा नेपाली काँग्रेसका सभापति शेरबहादुर देउवा, पूर्व प्रधानमन्त्री तथा नेकपा एसका अध्यक्ष माधवकुमार नेपाल, नेकपा एसका नेता झलनाथ खनाल, पूर्व प्रधानमन्त्री डा.बाबुराम भट्टराईलगायतले एमाले पार्टी कार्यालय च्यासल पुगेर नेम्वाङप्रति श्रद्धाञ्जली अर्पण गर्नुभएको हो ।
यस्तै, एमाले नेता कार्यकर्ता आम नागरिकले नेम्वाङप्रति श्रद्धाञ्जली अर्पण गर्ने क्रम चलिरहेको छ । उहाँको पार्थिव शरीर श्रद्धाञ्जलीका लागि च्यासलमा राखिएको छ । नेम्वाङको गएराति हृदयघातका कारण निधन भएको हो ।
प्रकाशित मिति: मंगलबार, भदौ २६, २०८०, १५:०२
