बााके । बाँकेको डुडुवा गाउँपालिकामा रहेको जयेन्दु बाल सुधार गृहमा रहेका दुई समूहबीच झडप हुँदा एक जनाको मृत्यु भएको छ ।
बाल सुधार गृहका इन्चार्ज विमला काउचा मगरका अनुसार गएराति भएको झडपमा एक जनाको मृत्यु भएको छ भने १० जना घाइते भएका छन् ।
झडपमा घाइते भएका अपहरण, शरीर बन्धक र जबरजस्ती करणी मुद्दामा सजाय पाएका कपिलवस्तु रुद्रपुरका सुलभ केसीको उपचारका क्रममा मृत्यु भएको प्रहरीले जनाएको छ ।
घाइतेहरूको शिक्षण अस्पताल नेपालगञ्जमा उपचार भइरहेको छ । घाइतेमध्ये एक जनाको अवस्था गम्भीर रहेको प्रहरीको भनाइ छ । यसअघि गएको माघ अन्तिम साता दुई पक्षबीच झडप भएपछि सुधारगृहमा आगजनी र तोडफोड भएको थियो ।
प्रकाशित मिति: शुक्रबार, असोज ५, २०८०
